Plantun de Prouvènço

Pèr coumpara dos planto d'encò nostre

Polypodium vulgare & Romulea columnae

Regalisso-bastardo

Polypodium vulgare

Polypodiaceae

Àutri noum : Regalisso-de-chivau, Regalisse-bastard, Poulipòdi.

Nom en français : Polypode commun.

Descripcioun :
La regalisso-bastardo trachis au nostre subretout en mountagno sus sòu séusous. I'agrado li roucas e li bos fres. Pèr la bèn destria de sa cousino, Polypodium interjectum, faudrié regarda lis espourange au microuscope (x 100) pèr verifia que i'ague mai de 11 celulo à l'assiso mecanico. Pamens lis espourange devènon madur l'estiéu eici alor que pèr P. interjectum, es en autouno. De nouta tambèn qu'aquesto assiso èi mai sourno eici (fotò-sèmblo un vèrme brun).

Usanço :
La regalisso-bastardo tèn soun noum de soun rizoumo (fotò) qu'a lou goust de la regalisso. Tastas ! Es uno planto vertuouso contro lou tussi, lou quiéu tapa e li vèrme. Peréu èi diuretico e coulagogo.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 0 à 2300 m
Aparado : Noun
Juliet à setèmbre

Liò : Roucas - Bos fres
Estànci : Coulinen à Subaupen
Couroulougi : Éurasiatico
Ref. sc. : Polypodium vulgare Shivas, 1961

Roumulèio(-de-Colonna)

Romulea columnae

Iridaceae

Noms en français : Romulée à petites fleurs, Romulée de Colonna.

Descripcioun :
Aquesto roumulèio trachis dins li pelouso sablouso pas trop liuen de la mar o dins li pocho argielouso de garrigo. La fau cerca en fin d'ivèr que flouris d'ouro dins l'annado. Romulea columnae rèsto pas bèn grando. La flour, pulèu pichoto, èi blanco emé lou founs jauno. Li fueio soun longo (6 à 13 cm), bèn verdo e espesso à la baso. La brateolo a lou mitan verd mai estré que li bord.

Usanço :
Couneissèn pas d'usanço particuliero pèr aquelo planto. D'estùdi d'aro an moustra qu'avié de prouprieta anti-óussidanto.

Port : Erbo
Taio : 3 à 15 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Romulea
Famiho : Iridaceae

Ordre : Iridaceae

Coulour de la flour : Jauno
Petalo : 6
Ø (o loungour) flour : 6 à 8 mm
Flourido : Printèms Ivèr

Sòu : Si (Ca)
Autour basso e auto : 0 à 50 m
Aparado : Noun
Febrié à mars

Liò : Pelouso umido - Prado marino - Trepadou - Garrigo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Romulea columnae Sebast. & Mauri, 1818

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Polypodium vulgare & Romulea columnae

ges

RRR

Coumpara Regalisso-bastardo emé uno autro planto

Coumpara Roumulèio(-de-Colonna) emé uno autro planto